隨變火鍋

营业中

休息中

最近去咗铜锣湾依间「随变火锅」打边炉，依度嘅鸡煲价钱同坊间嘅差唔多，酸菜鱼煲份量正常，但略嫌价钱偏贵、定价比较进取。沸腾酸菜鱼煲（单点$338），小辣，本身朋友担心辣度Order中辣会太辣，所以Order咗小辣，但小辣嘅汤底饮落完全唔辣，1分辣都无，所以建议各位可以Order中辣起跳，鱼片肉质嫩滑，味道鲜甜，食落啖啖肉，内有大量酸菜、蜂巢豆腐、腐竹、芽菜、菊花瓣、芫荽、指天椒、花椒，汤底饮落味道酸溜。西班牙黑豚肉（单点$138），肉质肥瘦适中，肉味浓厚。稻庭乌冬（单点$28），口感烟韧。阿华田迷你雪米糍（跟餐$0），阿华田味道浓香。