姚姚酸菜魚 (青衣城1)

营业中

休息中

好耐无食酸菜鱼，今日同友人lunch食左二人份酸菜鱼，仲有小吃同甜品。餐厅都开左一排，而家我地先来食，环境大坐得舒服，以湖水蓝同白色装潢，又靓又温馨。姚姚酸菜鱼 （二人份）$288好大盘好有气势，用热盘座热，可以慢慢食，唔会鱼变冻，而且辣度可拣微辣，最岩我呢d想食辣，但又食唔到太辣嘅人。个汤好正，浓而不腻，酸中带微辣，刺激又开胃，鱼肉份量多，性价比高。鱼肉嫩滑好味，最重要唔腥，个汤一定要拌饭食，超正。都几多酸菜，好爽脆够酸，味道很好。红糖糯糍粑 $68食到辣辣地，叫左个香甜软糯嘅小吃，红糖甜思思，加埋软糯的糍粑，饱肚但好好味，特别厚切大件，口感很好，外层炸得香脆。彩虹乌龙冰粉 $68卖相好靓好吸引，配料满满，有提子干、酒酿、红豆、丸子、花生碎、芝麻……口感丰富，加埋椰奶好香好滑，令冰粉唔会太甜，滑溜的冰粉好清凉解腻，食完又热又辣嘅酸菜鱼，最岩食冰粉降降温。