姚姚酸菜魚 (港威商場)

营业中

休息中

喺海港城成日经过都见到好多人排队嘅酸菜鱼，见到佢格局好新派同埋靓靓颜色，一直都想等有朋友仔食完俾个Feedback我。朋友仔佢就话系啱啱食完，仲好高分！今日我就即刻去试吓，得两个人唔食得多嘢，叫咗一个二至三人份量酸菜鱼，正常辣，正常酸，多麻，再加肥牛同埋宽粉。酸菜味道好好，有两个鱼头，鱼片好滑，个汤都好好饮。略嫌炸蒜令到汤有油（已经拣咗小油）肥牛真系好肥同埋好鞋，$58我宁愿佢比高质啲份量少啲。宽粉系Perfect size，不过太淋如果烟靭啲仲好。炒十字花系好食，已经剔咗少油少盐但系都系超多油。