香港鴻興隆中華菜館 (已結業)

同朋友去尖沙咀行完街，见到呢间中菜馆好似几多人食，所以决定去试下，横掂想食下辣嘢🤣🤣！入面环境真系好有中国风嘅感觉，啲装修劲似北京啲菜馆，成个格调古色古香咁，好有心思！连张饭枱都有design过，劲特别呀！酸菜鱼味道都算正宗，个酸菜汤底浓厚而不腻，可以直接饮~ 个底系有啲薯粉，吸收晒啲汤好正！鱼肉好滑好滑，但略嫌多骨咗啲，唔可以一啖过咁食，如果要食一定要小心啲！孜然炒羊肉片一上枱已经闻到劲香，羊肉片厚薄适中，肉质都几嫩，好有火喉，劲滋味！扬州炒饭望落简单，但要炒得好食都有啲难度架，呢到都炒得唔错，粒粒分明😋😋