廚十三老壇酸菜魚 (D2 Place ONE) (已結業)

✨酸菜鱼（小份）虽然话系二人份，但份量超大，劲大兜，绝对够三个人食。我地叫左小辣，都唔系好觉辣，感觉辣啲再过瘾啲！鱼肉都好多，肉质结实嫩滑，味道亦唔会有泥味或腥味。除左鱼，仲有唔少配料，例如莲藕片、豆腐、金菇等，所以我地净系加左个寛粉。寛粉食落烟韧弹牙，加埋啲汤黎食非常好味！✨夫妻肺片食落有好多牛𦟌肉，比较少牛肚等，份量都好足料。食落有浓郁既花椒、红油味道，而且唔会好辣，非常鲜香。牛𦟌味道咸香浓郁，口感结实，但煮到够稔，唔会咬唔郁。