十二味 (LADDER Dundas) (已結業)

香港地，食店多过天上繁星。如果冇返一两味撚手野，文雅 D叫 signature ，真系好难留住客人的心，好难保证回头率架！呢间的signature酸菜鱼，坚得！真系人见人爱呀！人见人爱酸菜鱼$198酸菜，甜酸辣咸味都有，味道有层次得来又唔会过火，真系好香好开胃架。鱼片又真系可以做到薄切得来弹牙，烟韧之余又嫰滑，而且完全无碎骨，令人食得好安心。除左酸菜同鱼片，佢仲加入左窝荀，浸到入晒味，好好味。仲有个酸菜汁都想赞吓，好浓味唔油腻，捞饭一流，五星无悬念。夫妻肺片 $68通常夫妻肺片都系切到碎碎的，第一次食到咁大片上的牛肚和牛什。够重手够足料，而且系靓料。视觉上比较靓，CP 高。可惜切大片亦有个唔好处，就系较难咬，感觉上川辣汁亦无咁入味。个人还是比较喜欢切到碎碎的夫妻肺片。大盆花菜 $78椰菜花炒五花肉，系我最爱的经典川菜之一。今次试唔辣，仍旧好香口、好美味。走了辣，更加能够食到椰菜花的香，与五花腩片的美，几正的。装修不错，几好坐的，新开张人唔算多。味道好又舒服，加上价钱公道，会再来。