川霸王 (已結業)

朋友介绍我话佢公司附近有间食酸菜鱼几好食，叫我去试吓，所以今晚我就过嚟会一会😋我拣咗霸王酸菜鱼会跟一碗白饭，佢有五种辣度，BB辣、小辣、中辣、大辣同埋霸王辣，我拣咗小辣（唔敢叫太高试吓佢咩料先😄重点系我本身唔系好食得辣😂）我朋友就拣咗霸王粉面，有三种汤底选择，清汤、麻辣、酸辣，有16种配料可以选择三种，面就有红薯粉、米线、乌冬、粉丝选择。佢就拣咗麻辣不过系BB辣（因为佢食辣嘅程度仲渣过我😆）配料就拣咗鸡肉、鸭血、午餐肉，要粉丝。同埋加$12就可以有一款嘢饮同埋一份细分小食，我哋拣咗红油抄手凉拌小青瓜。等咗一阵我碗酸菜鱼到啦！开头见到碗酸菜鱼唔系好似我平时食开𠮶啲，佢应该系用龙利鱼做，其实我本身唔系好钟意食龙利鱼，因为每次食都觉得佢有一浸味（唔知系雪味定泥味）不过呢个师傅好嘢👍🏻我识第一旧嘅时候发觉冇咗我原本唔钟意𠮶阵味，我谂佢应该系处理𠮶啲鱼，所以跟住就觉得好正，大大嚿肉啖啖肉，所以食得好爽，然后最犀利嘅系个汤，好多时食酸菜鱼都惊个汤唔够酸，呢个师傅煮嘅汤，够酸👍🏻辣度又啱啱好👍🏻仲有啲麻👍🏻完全啱晒我口味👍🏻👍🏻👍🏻👍🏻一大碗酸菜鱼跟一碗白饭都系$48，真系CP值超值！