胡爐 (已結業)

今日再嚟到尖沙咀胡炉，都隔咗一排无嚟过，原来中间试过做半放题，不过现在又无做喇，我错过咗tim……上次嚟入房位坐，今次坐返出厅位，都系品味中式格调。见到有川味酸菜鸭汤底，系其他打边炉铺好似少见d，试下先。两个人唔叫太多嘢，又废事食咁多肉，叫咗一个爽脆牛胸爽，同细份嘅手打墨鱼丸，其他就叫咗份细菜同稻庭乌冬，同埋我未叫过想试下嘅冰豆腐，仲有下火嘅竹蔗茅根水。牛爽胸新鲜爽口，墨鱼丸够弹，最过瘾系落咗乌冬嚟吸咗个汤底，佢个汤底本身好足料(鸭肶都见到有两只)食落好入味好香，竟然好夹。