重慶津味小吃

营业中

休息中

一直都想食返系大陆食到嘅酸辣粉味道，试过好多间都食唔到，中午行经闻到好香花椒麻味，就入内一试。见到餐牌，我真系唔识分当中嘅分别😅重庆酸（麻）、麻辣（酸）、重庆麻辣（酸），全部都有麻辣同酸啫系点，唯有问店嘅姐姐，一个好豪气咁答啫酸辣粉过d，答咗啫系无答，另一个姐姐就好好咁讲，有d就辣多，有d就酸多，问我想要咩味多，我话要麻多花椒味只要dd酸，佢哋话可以呀。虽然都未知我叫咗边一款味，似乎无特定可按我喜好讲出佢地就调较🤔叫咗莲藕同鸡肉，上枱卖相好野味好辣，我怕辣唔怕麻，中间嘅酱无捞晒先试一口，果然系辣重无麻，而酸味都好重薯粉好味，但真系越食越辣，一定要饮嘢。莲藕正常，但个鸡肉真系太重雪味，就算酸辣汁都完全遮盖唔到。我见都多人黎买外卖，应该喜欢食酸辣嘅人几喜欢呢个味只系唔系我想要嘅大陆食到酸辣粉味小店卫生好好，好干净，下午时段无人，姐姐就好仔细咁清洁四周今次食嘅虽未系我想要嘅味道，不过佢可以按需要加减味，应该会再试