重慶津味小吃

营业中

休息中

大力推薦他們家的水煮魚，算是蠻正宗的，能吃辣的話建議吃中辣，麻辣加上新鮮剛煮出來的熱度，連我都有點受不了大辣。記得好像是68還是88一份。另外推薦甜品：手工糍粑！少油炸的，加黃豆粉、黑糖漿，絕配！一份8塊，$48。

小絲一向愛吃羊肉餃，所以不時留意那裡有羊肉餃可以去試試。這間重慶津味小吃就是其中一間。店舖很少，只有3張2人枱，幸好晚上去剛好有客人埋單，吉枱就由我們頂上。餐牌有點混亂，看了看才明白。除了羊肉餃都不知點甚麼好，最後就先點一個蕨根粉再看看。之前已說店舖很少，職員都很少，只有2人，1位在麵檔煮東西，另一個年紀細的就做樓面的工作，但這個做樓面好像第一天踏出社會工作此的，有幫倒忙的意味。點單後，客人都不多，我們只是點了餃子和撈粉，但等了很久，差不多30分鐘食物才放到桌上，這個出餐時間實在不能接受。原本還想加單，現在這樣當然打消念頭。味道方面，羊肉餃賣相不差，餃子包得工整，但有穿餃的情況，餡了不飽滿，調味清淡，羊味突出。蕨根粉很麻辣，吃不到辣不要點這個，蕨粉本身是欠彈性及沒甚麼味道，都是薯粉較理想。整體食物不致難食，但空間太窄與等候時間太長，大大破壞食物體驗。阿偉食評：正常水平，這些食物不值等待如此久。推介指數：4.5/10

門店很小，只有三張桌子，每張坐兩人。只有兩個服務員，但出餐挺麻利的。麻辣雞絲涼麵 $38還挺大一碗，我吃的很飽。雞絲很新鮮，辣椒油應該也是自己炸的，跟著花生一起吃更香了。我揀左小辣，所以醋味會重一些。喜歡青瓜切得小小一條，更多面積可以接觸到蘸料。這裡還有各款涼拌菜，蓮藕、牛肉、雞翼、海帶、皮蛋等，也有簡單飲品如豆漿。如一碗唔夠，可以加其他topping。遇到兩個食客叫做唔辣，酸辣粉唔辣，笑左，哈哈哈哈。

近排都好想食涼拌涼皮尤其是天氣熱更加想又辣又爽的👦🏻話呢一間食過味道都唔錯所以就去叫外賣拎回家食兩個人因為都唔算太餓所以只係叫左兩樣食物📍雞絲涼皮配蓮藕份量正常又唔算好多，但個碗就幾大😗涼皮質地幾滑身有口勁，口感不錯雞絲都入味的，蓮藕係涼拌好鍾意加既配料，加8蚊算平，低可以多幾舊就好😛📍麻辣鵝腸份量都多，加左d青瓜絲鵝腸爽口，唔算好入味但整體都開胃好食既下次想挑戰下小辣#唯有食是最治癒的

見咁多人劣評，好似樣樣都唔得，不過我自己又覺得都還可以呀，不至於咁差嘅。的確，試過好幾款食物都較一般，但當中都有一些較為不錯的，例如我最喜歡的麻辣鷄絲飯。這個可以按自己喜歡選大，中，小麻辣，我個人比較偏向中麻辣，因為即使是大麻辣也不會太辣，反而濃濃的醬汁和香料會使味道變苦，所以反而中麻辣配上白飯會更夾更好味，除此以外，佢會主動問我需唔需要多飯，可能驚我唔夠食，而且這飯還送盒裝檸檬茶（雖然味道一般），但都算係咁～

🇭🇰重慶津味小廚重慶麻辣酸麵 配生菜雞絲成碗紅噹噹重慶feel濃 紅油勁但唔膩/ 麵質似拉麵同湯底夾/ 雞絲雞味濃 嫩而有質感有驚喜呀😍/ 生日菜太掛油 不建議紅油抄手紅油醬料爆棚 乾辣椒辣椒梓爆多😋/ 抄手皮薄涵多 豬肉新鮮超鐘意用上木耳絲增加口感/ 推介🥹🥹川味加價到$31一碗撈薯粉不如試下其他小店😋#hkfoodie #foodie #fsbigtummy #igfoodie #ig #local #small #shop #surprising #taste #tummy

千祈唔好食呢間嘢，又鹹又難食！一啖都食唔落，倒掉全部！中曬伏，唔知點解都有人比好評。呢間鋪真係超級難食，都唔算平。荃灣有多間四川小吃，呢間最差。想品嚐相關美食，千祈唔好揀呢間！

湯底冇味 好似清水煮咁只有少少辣椒油🤏完全冇酸味 外賣要人攞反落去再調過味😩問多兩句先話比d調味料我送到付近要我行過去攞，仲要自已調，之後仲發我脾氣，下次不了👋👋👋

自從一個人搬咗出嚟住最頭痕就係諗晚餐食咩好，之前經過呢間已經想試吓，終於都有機會試試佢！一開始睇到餐牌已經諗好要食咩😆🤪，我簡左酸辣粉，中辣加雞絲酸辣粉黎講，佢都算油，所以好保温，食到尾都好夠熱，雞絲唔係一絲絲而係一舊舊，本身有d咸咸地，唔係白灼雞肉，我幾鐘意，頭幾啖都好正常，有齊酸辣粉既精粹，酸，辣，麻，佢d酸菜都好好食，酸辣粉都夠彈牙，唔會過淋，係食到一半左右問題黎喇，唔知點解會有啲苦苦地，唔知係邊度有問題🧐🤷🏻‍♀️整體黎講，都可以再俾多次機會佢，試吓其他野食既🤣😂👍🏻 今餐承惠$35🙆🏻‍♀️

這店位於富麗花園地下 ，雖然面對悅來坊，但人流唔多，可能因舖頭面積好細，只放有三張2人枱，所以都是外賣較多今日叫左個小辣重慶酸辣粉，加腩肉，海帶，墨魚丸重慶酸辣粉，配有少許花生，榨菜，肉粒，芫茜，蔥，粉係薯粉，見到個湯，已覺好辣，表面全是辣油，雖係小辣湯底，都越食越辣，同都幾酸海帶切絲，幾爽口，腩肉，三少嚿，幾淋，但較肥，墨魚丸就真係麻麻，太淋又冇彈性其實都幾貴，三餸重慶酸辣粉加一支烏龍茶，要成$57

第一篇食評就係介紹依間，睇返都兩年前，當時成日食佢重慶雲吞加麵加連藕，辣得爽之餘又抵！但裝修之後辣法唔同咗，無梗辣之餘竟然用酸菜做酸，以為換咗老闆就一直無再食。今次係附近行未覺餓，但再唔食又無嘢食，無辦法，打算整堆小食開吓胃，估唔到就梗食返舊有辣味之餘仲勁咗！原來老闆無變，只係日日打麻將無點睇舖，每個人調法唔同，明顯佢就由得員工自由發揮，佢話梗耐無調，宜家佢整可能會仲重手…好彩請到個調得唔錯。麻辣雞絲、涼拌雲耳，手拍青瓜，辣度平均比之前強，但雞絲無以前辣，不過都係小辣都好勁，青瓜仍然係即場拍到呯呯聲，梗拍特別入味，其他舖好少聽到。雖然係外賣，價錢加咗外份量睇落都少咗，但味道仍然係難得。

態度又差！！又俾漏嘢！！冇下次！！好似欠咗佢咁款㗎...！！整緊嘢食要傾計就唔該帶口罩喇...落單嘅時候已經態度好差都算數喇！睇住佢一路講嘢一路整真係冇曬胃口，當時有諗要唔要check下有冇漏嘢...不過當時間舖就整緊我一份.根本唔係繁忙時間.就冇睇..估唔到真係收咗錢但係就俾漏嘢！講真附近都有兩間同類型嘅店.人哋開得耐過佢態度都唔會好似佢咁款...用咗openrice咁耐..第一次忍唔住要寫食評！！

一直都想食返係大陸食到嘅酸辣粉味道，試過好多間都食唔到，中午行經聞到好香花椒麻味，就入內一試。見到餐牌，我真係唔識分當中嘅分別😅重慶酸（麻）、麻辣（酸）、重慶麻辣（酸），全部都有麻辣同酸啫係點，唯有問店嘅姐姐，一個好豪氣咁答啫酸辣粉過d，答咗啫係無答，另一個姐姐就好好咁講，有d就辣多，有d就酸多，問我想要咩味多，我話要麻多花椒味只要dd酸，佢哋話可以呀。雖然都未知我叫咗邊一款味，似乎無特定可按我喜好講出佢地就調較🤔叫咗蓮藕同雞肉，上枱賣相好野味好辣，我怕辣唔怕麻，中間嘅醬無撈晒先試一口，果然係辣重無麻，而酸味都好重薯粉好味，但真係越食越辣，一定要飲嘢。蓮藕正常，但個雞肉真係太重雪味，就算酸辣汁都完全遮蓋唔到。我見都多人黎買外賣，應該喜歡食酸辣嘅人幾喜歡呢個味只係唔係我想要嘅大陸食到酸辣粉味小店衛生好好，好乾淨，下午時段無人，姐姐就好仔細咁清潔四周今次食嘅雖未係我想要嘅味道，不過佢可以按需要加減味，應該會再試

已經係第二次幫襯呢間小店，老闆娘係重慶人，所以佢地既野食都好正宗，好有重慶既味道今次食反重慶雲吞（小），細碗有十粒，加6蚊仲可以配米線 薯粉or面，相當抵食，而且雲吞都好足粉，入面有豬肉同木耳絲，食落好爽口，加上佢地既麻辣湯底👍🏻👍🏻👍🏻食完一粒又一粒，依家諗返起都留哂口水🤤十分推薦大家泥試下呢間小店，鋪面不大只有三張枱，店鋪雖然有點簡陋，但佢地既食物都係好出息，鍾意食辣既人士更加不可錯過呢間既重慶雲吞，包你食過返尋味😋

其實小妹已留意這間食店一段時間，由於有家人住在附近，常常會經過食店門口，但總是因緣際會下過門而不入。昨日小妹正好在附近，又想食小雲吞，天時地利人和齊集！店內有不少川系麵食和小菜，賣相頗為吸引。但小妹心有所屬，一碗重慶小雲吞（中辣）很快便送到眼前~小雲吞包的是豬肉和木耳碎。內餡調味適中，豬肉的肥瘦比例合適，不會過膩。湯底則是香辣麻俱備，辣油香氣十足，較坊間的更辣，完全滿足了小妹嗜辣的願望。雖然湯底較鹹，食完有點口渴，但整體水準仍令人感到驚喜。此店屬可回顧之選也~