泰屋

营业中

休息中

好一阵子无食到泰国菜，一谂起冬荫功味道己经口水流，所以一有人问去唔去食就 lur饭应。餐牌未睇就已经肯定叫冬荫功汤同木瓜沙律；见泰式烧羊架仲平过烧鸡就谂都唔使谂即刻加多个order，其他𩠌菜交由朋友发板，青咖哩鸡、马拉盏炒通菜及几个饮品。冬阴公鲜虾汤，分汤时闻到阵香味己经不停吞口水，虽然椰奶份量较多，亦与我偏爱较酸的口味有一点距离，不过因汤内嘅虾都几鲜味又大只，所以唔会扣分。饮完汤就食 木瓜沙律，又系口水流菜式，不过有朋友表示偏辣，但我又反而觉刚刚好，木瓜甜、甘笋爽、酱汁酸辣甜都好平均。马拉盏炒通菜够野味又唔算太咸。青咖哩鸡点蒜蓉法包，鸡肉唔够入味又韧咗啲似解完涷即落咖哩煮返热咁。泰式炭烧羊架有三大旧抵食，泰式铁板上真系较小见，黑椒酱汁香，羊又唔太骚，啱晒想食羊又怕骚嘅朋友。自己饮𠮶杯 热香茅茶可以推介下，因为之前香港嘅泰菜馆唔多见；又响泰国饮过几好味。味道好近似泰国饮到嘅味道，清香唔浓浊，如果可以落少啲啲糖就更好。