旦王

营业中

休息中

喺附近番工，经常都经过呢间旦王，其实帮衬过几次，鱼蛋烧卖果啲都系普通过唔普通，唯独我就钟意佢地嘅酸辣粉。今日收工行到过去，依然都系咁多人，位置比以前阔落，我先黎多左咋，以前得个小铺位，人多起上黎都好逼。而家门口有几张枱，后巷又有几个位。点左酸辣粉，少麻少辣，天气唔系好热，喺条街食野都可以接受，迟啲热少少，我谂我再想食都唔会企街噜。酸辣粉喺香港食就点都唔平，但我觉得呢度起码多料，廿几蚊已经好过好多小食档。酸辣粉个碗都用大陆果种，一模一样。肉碎、花生、酸菜都几大方。拣左少麻少辣，至在刺激下。薯粉弹牙烟韧，份量正常，我自己就好钟意食。