雲川 米線．紅薯粉 (貝爾特酒店)

营业中

休息中

因为就脚，其实云川我已经食过唔少次，猪颈肉出名好食就唔再多讲啦，好多人都分享过，今次想比较下「酸辣汤底」同「酸麻金汤」。食开米线既朋友都一定有自己既偏好，「麻辣」同「酸辣」各有一班捧场客，食开边样就通常唔会转。但当「酸麻金汤」出现左，就令唔少人有选择困难，一个汤底满足哂两种味觉，好似抵食d㖞，而我亦都唔例外，食开酸辣既我今次一于叫左碗酸麻金汤试下。平时食开既酸辣好香酸菜味，而且好香浓，小辣都唔会无料到，系几高质既汤底。今次试呢个酸麻金汤，虽然有酸有麻，但有少少两头唔到岸，酸唔够酸、又唔算好麻，而且无左个浸好香既酸菜味，我叫左中辣，够辣不过唔够浓味，同酸辣汤比争几级。总结，贪心无好结果，想两样都要，结果反而两样都满足唔到，都系继续做我既「酸辣」捧场客了。