春陽茶事 (謝斐道) (已結業)

耐唔耐就会上 某个app睇下有冇啲美食优惠 , 最近呢个app推出优惠, 用优惠价买咗杯 春阳茶事 的翡翠柠檬爱玉。今日顺路经过铜锣湾， 特登行过去近世贸 𠮶边， 品尝一下呢杯台式饮品。 地点都好算好容易揾到， 就喺以前好出名卖鱼蛋𠮶个舖位， 鱼蛋档终于顶唔顺贵租。换来呢间台式饮品同埋鸡翼专门店。店员好有礼貌，就算我系用app买优惠产品， 佢哋我哋都系非常客气， 我拣咗小冰正常糖的 翡翠柠檬爱玉。等咗一阵间就可以攞饮品啦， 我急不及待即刻试一啖， 充满浓浓嘅柠檬果汁味🍋🍋 而且有不少果肉。 爱玉嘅份量都非常之多， 酸酸甜甜烟靭靭。不过唯独是需要改善嘅地方， 就系有少少苦涩味， 大概系柠檬皮 处理得不够好。整体嚟讲都觉得唔错嘅。