雲記桂林米粉

营业中

休息中

钟意食螺狮粉，尤其系当中入面嘅酸笋，虽然系发酵后有种「臭味」，但钟意食嘅人就好钟意，唔钟意食嘅就一定觉得佢好臭接受唔到云记系以前同事介绍去食，系北区内难得嘅桂林米粉店，主打桂林米粉同埋凉菜。日头嘅话都有学生嚟食，下午嘅话人流相对比较少。夏天咁热，如果可以坐商场入面个舖位开餐会更好，因为出面个舖位比较热冇冷气今次嗌咗鸡翼米粉 转薯粉 麻小辣，因为钟意呢度嘅薯粉系粗薯粉，所以通常都会加钱转，但米粉间唔中都会食吓 呢度嘅辣度都几足，麻辣味唔系好出，但加上酸笋同酸豆角味道都啱啱好，食到最底都仲有好多酸豆角同花生，老板比配料的确唔手软，鸡翼正正常常，成碗嘢份量啱啱好够下午茶填饱肚仔～食呢间嘢唯一嘅弊处就系，食完成身都系酸臭味，但我仍然咁钟意食