友記

营业中

休息中

今日晏咗食午餐谂住求其去食碗粉面，喺黄大仙附近谂起食车仔面，咪行上去凤凰新村呢间老店啰。其实呢间老店已经帮衬过无数次，最近唔洗点排队，可能附近有间车仔面老店重开。无论如何，我还是觉得你最好。乜都唔洗讲，重点推介佢个酸斋先，非常入味，酸甜适中。斋本身无油“益”味，呢个最紧要，软硬适中，食落有咬口，加上酱料又够味。上佳之品！必试！个人习惯，我要求分碟上，咁酸甜汁就唔会影响我碗粉嘅食味今日拣咗萝卜、鸡翼及猪肠，萝卜唔太够“淋”，可能唔够火喉。鸡翼非常大只，啖啖肉，不过不失。猪肠很出色，我特别喜欢佢用呢款小肠，洗得干净，完全没有臭味。赞！通常食车仔面最夹系配番支玻璃樽可乐，呢度四𩠌面加支大可乐，只系四十一蚊，物超所值，可以一试。