銘興山西刀削麵 (大同新邨) (已搬遷) 新店位置

今日有姨姨带呀仔出去玩, 我地又可以抖下喇, 渡过一个难得的宁静周末。就简单的到大角咀食餐饭行下。揾左呢间零负评既铭兴山西刀削面, 我地大概11:30AM到达, 当时只有一枱客人, 好彩我地早少少到, 12PM已经坐满左。我念铭兴山西刀削面的最大卖点是每枱都放左一樽大大的腌萝卜, 虽然系免费任食, 但真心非常好味, 爽脆入味, 必食推介。我地点左姜葱牛肉刀削面, 特色冷刀削面, 脆脆春卷同🍋冻柠茶。姜葱牛肉刀削面 - 姜葱牛肉同面系分开上(唔食姜葱的我表示太幸运了), 牛肉非常有惊喜, 系我最爱既滑牛, 大块厚肉, 新鲜嫩滑。就算连伴碟既🥜花生都唔马虎, 香脆可口。刀削面也不错, 烟韧有咬口, 汤底味道正常。特色冷刀削面 - 酱汁份量足但味道唔突出, 老公食左几啖, 最后都要加辣酱去增加返D味道层次。脆脆春卷 - 呢个好普通, 可以省略唔点, 春卷皮唔脆, 内馅又淡而无味。