太平飯店 (已結業)

Honey见小肥最近写咗几编潮州菜o既食评，知道契妹同样爱食潮州美食，所以周一喺其公司附近一发现到好食o既特色潮菜「太平饭店」 ，就立刻约埋一齐周三去食晚饭。餐厅就喺北角地鐡站A1出口转右第一个舖位，讲地点方便都要数佢 ！店内虽然系茶餐厅格局，不过望入厨房都觉得几干净企理，卡位都好舒服，而且好光猛，又唔算好嘈。自助式o既餐具暗藏于餐桌o既拉柜内。除咗过咗胶o既两页餐牌外，每张纸造餐垫都印有店子o既招牌菜及详尽o既介绍。见我地心大心细，温婉o既姐姐仔仲送上图册餐牌等我地慢慢拣 ；结果我地亦凭图叫咗四味。 醉香溏心蛋（$28）：溏心蛋真系食唔少，不过就从未食过有酒味o既溏心蛋。「太平饭店」只溏心蛋不但滑溜流心，其酒香味醇厚甜美得黎非常之易入口，食蛋都可以齿颊留香，当真令人醉口又醉心 ！ 卤水鹅片拼猪大肠（$168）：传统卤水鹅片切得好够薄身，而且每片都一样咁肥瘦均匀，幼滑软嫩，一啲都唔嚡唔干，咸味浓度啱啱好 。 花雕醉鹅肝（$98）：鹅肝实物不但比插图吸引迷人，入口更加令人陶醉万分！鹅肝薄滑软腍，与花雕o既酒香味夹到不得了 ，第一口已教人如痴如醉。 香煎鸭蛋蚝仔饼（$7