龍華酒店 (下禾輋)

营业中

休息中

嚟龙华绝对唔会唔食佢地嘅乳鸽，呢度嘅乳鸽菜式十分之多《龙华脆皮烧乳鸽》外皮就干身，而且肉质鲜嫩而多汁，上枱嘅时候热辣辣，非常惹味。《古法绍酒醉乳鸽》喺出面餐厅比较少见，同样地肉质鲜嫩，酒香味很重很入味。店家几款乳鸽都用上顶鸽来做，即系指重约9至11两嘅乳鸽，会较普通乳鸽为大，所以入口啖啖肉。《蒜片安格斯一口牛》，牛肉唔会煮得过老，黑椒非常惹味，伴以炸鲜奶一齐食，脆脆嘅口感同时鲜奶清甜可以清一清口腔，十分之match。《带子大良炒鲜奶》，炒鲜奶十分之滑，同时带子、虾令炒鲜奶多一份口感同鲜味，调味唔会过重从而保留材料原有味道。《瑶柱鸡茸粟米羹》食汤羹最怕就系稀溜溜又或者渴挞挞，而呢个羹就啱啱好，而且十分足料，入口口感丰富同味道清爽。《驰名沙田鸡粥》鸡粥十分入味，好绵好好味，同时鸡件唔会过老。配埋脆卜卜嘅油条，趁热食一流。《鲍汁金菇炆伊面》伊面唔会过硬亦唔会过淋，菇味十足，充份吸收鲍汁，炆得好香好入味，而且唔会油淋淋。