影片
更多
2024-08-29
223 浏览
朋友上网见到呢间餐厅评价几好，又无限时，啱晒我地倾野，就 book 左呢间餐厅边食边倾啦。环境及卫生方面︰其中一边有幅大玻璃可以望到街景，窗台种左少量植物。餐桌摆设几整齐。整体感觉良好。服务方面︰一开始就俾人感觉要乜无乜... 本来个主餐牌就已经唔多野食可以叫，我地又唔想食套餐... 想叫个鹅肝煎带子 - 无 叫牛柳 - 无，被逼转左西冷 叫饮品果阵，个待应听唔明加糖浆同杯饮品本身有果糖嘅分别；到d饮品上台，唔讲边杯饮品系咩名，要我地出口问，然后有个自称自己系厨房佬咩都唔知嘅人指派返bar台冲野饮个妹妹黎答；继而待应自己发现自己冲错饮品照上俾我地又唔讲，饮饮下黎多左杯，我地问先知冲错左，后来呢杯先系啱...以上嘅事，都俾客人一种满头问号，无法理解同埋餐厅非常唔专业嘅感觉。(已经无计无待应斟水呢d小事，不过到走果刻，估计待应们都 feel 到我地极度不满，热情咁欢送我地走，就俾返少少分佢啦...)味道方面︰-食物︰最后我地被逼叫左法式焦糖洋葱烧西冷扒、夏威夷火炙黑毛猪腩卷同埋意式香草黑毛斧头猪鞍扒。而呢3道菜，其实可以combine黎讲...3道菜煮完出黎系同一个色系 (直头可以唱灰色~
环境及卫生方面︰
其中一边有幅大玻璃可以望到街景，窗台种左少量植物。餐桌摆设几整齐。整体感觉良好。
服务方面︰
一开始就俾人感觉要乜无乜... 本来个主餐牌就已经唔多野食可以叫，我地又唔想食套餐...
想叫个鹅肝煎带子 - 无
叫牛柳 - 无，被逼转左西冷
叫饮品果阵，个待应听唔明加糖浆同杯饮品本身有果糖嘅分别；
到d饮品上台，唔讲边杯饮品系咩名，要我地出口问，然后有个自称自己系厨房佬咩都唔知嘅人指派返bar台冲野饮个妹妹黎答；
继而待应自己发现自己冲错饮品照上俾我地又唔讲，饮饮下黎多左杯，我地问先知冲错左，后来呢杯先系啱...
以上嘅事，都俾客人一种满头问号，无法理解同埋餐厅非常唔专业嘅感觉。
(已经无计无待应斟水呢d小事，不过到走果刻，估计待应们都 feel 到我地极度不满，热情咁欢送我地走，就俾返少少分佢啦...)
味道方面︰
-食物︰
最后我地被逼叫左法式焦糖洋葱烧西冷扒、夏威夷火炙黑毛猪腩卷同埋意式香草黑毛斧头猪鞍扒。
法式焦糖洋葱烧西冷扒
0 浏览
0 赞好
0 留言
夏威夷火炙黑毛猪腩卷
0 浏览
0 赞好
0 留言
意式香草黑毛斧头猪鞍扒
8 浏览
0 赞好
0 留言
而呢3道菜，其实可以combine黎讲...
3道菜煮完出黎系同一个色系 (直头可以唱灰色~ hahaha~ hahaha~)、摆盘材料又一样，食落都系overcook 之余仲带d㶶味，牛扒仲食到d盐洒唔匀嘅情况添!
西冷薄到成张纸咁，d猪完全食唔出系黑毛猪，3款肉食落去都只有干同柴仲要0酱汁! 但d筋位唔知点整到咬落去成堆油咇出黎...
就连薯蓉都俾佢整到焗薯咁! 可以讃嘅地方就系薯仔呢个状态食落肚好健康，唔需要怕肥...
-饮品︰
October (西柚 柠檬 橙 梳打 白酒)
October
5 浏览
0 赞好
0 留言
好清新嘅果酒味，甜甜地唔重酒味，易入口
November (威士忌芝士奶盖配黑糖鲜奶咖啡)
November
12 浏览
0 赞好
0 留言
第一啖完全饮唔到，个芝士奶盖杰到以为自己食紧 cheesecake，要饮劲大啖先饮到下面d酒... 但个味系几好嘅，只系真系饮唔到，餐厅又无俾饮管 (明明另外两杯可以唔需要饮管就反而有....) 呢一分系扣个奶盖太杰同餐厅唔够细心嘅
士多啤梨光环 (士多啤梨菠萝果茶)
士多啤梨光环
15 浏览
0 赞好
0 留言
好香士多啤梨味，但无茶味，似纯士多啤梨果汁多d, 有件菠萝 (光环) 可以咬下咁，算系不过不失
估计店员听到我地劲不满，自称厨房佬走埋黎问我地要唔要食甜品，表示请我地食，我地决定俾埋个机会佢个甜品一次机会。然后冲饮品个妹妹黎收碟，见到我地每碟肉都有剩，惊讶地问左一句: 你地唔要啦?
到甜品上台时，我地望住个心太软 (心谂: 3个人你送一客... Fine~ 反正心太软呢d高油高脂食物，就算你上齐3客我地都唔会选择食晒嘅)
然后再心谂: 由自称厨房佬话送甜品俾我地到上台只系几分钟时间... 呢件野一定买返黎，只需要叮热佢就食得... 只可以话佢买得几好，心太软黎讲唔算甜。直头连评分都可以悭返!
总括而言︰三无!
味道︰无
质素︰无
卖相︰无
价钱仲要唔平! 食物质素完全对唔住个价钱，直头可以用劣食黎形容! 连茶餐厅d杂扒都整得好食过佢! 人均消费 $300，呢个价买到和牛返黎自己煎啦!
听到我地咁不满谂住送个甜品想了事... sorry~ 就算打5折都消唔到我地团怒火! 仲够胆收加一服务费! 连饮料冲错都无打算话我地知，无水又唔加水等等... 到底服务左去边!? 凭咩学人收加一! 我成日都话︰如果真系服务得好，你收加三都仲得~ 但无服务学人收加一! 我只会 black list 你~ sorry~
环境绝对适合商务聚会或好友谈心 (晚市只系得一、两台客人) ，但只限叫饮品。
张贴
