URBAN Cafe (兆萬中心)

营业中

休息中

我相信嚟呢度食嘢嘅人，醉翁之意不在酒，在玩猫😹。咁啱我哋一行六人，于是就叫一个二人餐一个四人餐，唔使谂，快快落单，快快玩猫。六个主食当中我较喜欢意粉类，包括温泉蛋烟肉野菌卡邦尼扁意粉同埋原条鳗鱼明太子忌廉扁意粉，够 creamy，其中后者条鳗鱼虽然唔算好肥美 juicy，不过真系几大条，都几吸睛；黑松露芝士野菌忌廉意大利饭面头芝士碎劲多，酱汁味浓，但饭嘅咬口就一般；西班牙烧烤酱黑毛猪肋骨就正常水准，份量亦足；至于两个薄饼（夏威夷薄饼同烟三文鱼千岛薄饼）系港式饼底，就唔系我钟意嘅口味喇。嚟得帮衬，我谂十个有十个都唔志再食，志在玩猫，场入面我估大大话话有成十几廿只猫，全部都唔怕人，连一向唔太好猫嘅我都觉得几好玩，心思思又想下次嚟啦😽。