師傅仔 (好順景大廈)

营业中

休息中

今日约咗朋友入元朗行街，路过一间精品文具店执笠清货，无所收获，走咗去附近师傅仔食个午餐。茶记装潢，内里有卡座，户外也有几张枱。由落单到送餐唔洗五分钟，好有效率！今次叫咗精选面餐，煎蛋汤螺丝粉配醉鸡中翼，盛惠$40。煎蛋系全熟荷包蛋，如可以转太阳蛋就更好，整体来说不过不失啦。醉鸡中翼好入味，鸡翼正常size，冇雪味，夏天当冷盘食都唔错！奶茶味道香浓滑溜，用黑白奶，高水准👍🏻顺带一提，建议大家11:30前落单，套餐只收$35，更抵食。