師傅仔 (好順景大廈)

营业中

休息中

第一次去師傅仔食早餐，成條街有四五間茶餐廳🤝🏻早餐都好大競爭🥲佢哋早餐平均$40包埋凍飲就有交易😳😳😳套餐有面、有多士，最驚喜仲有塊豬扒！雖然係薄切不過$40今時今日食到一個早餐 仲可以有啲咩要求啊？但求佢煮得熟同乾淨就算啦，上菜速度好快，啱晒趕急返工嘅人😳不過沙嗲牛肉麵味道都唔差，食完唔算好口渴，不過味精就一定有。

坐低打算叫份簡單早餐，一望對座檯面見到有上檯客留下嘅污漬冇抹過。須然未算好大範圍，但感覺始終唔好😟叫咗早餐一陣就嚟咗個菠蘿油，一見到個包打咗個突。包面層脆脆甩皮甩骨，個包好似俾人用力揸壓過，賣相完全唔掂，一個字形容 — 差☹️等咗5分鐘都未見杯飲料嚟，叫姐姐幫手跟單。姐姐走去水吧見冇單，就再寫過張單。水吧師傅隨即擰轉頭，驚見佢口中咬住支點著嘅煙，好嘔心。完全冇個人衛生、公德心，仲犯埋室內禁煙條例😡

同朋友係yoho 會所游完水，去雞地搵野食。今次去左師傅仔（因為有位）。叫左個椒鹽豬扒飯。個椒鹽豬扒賣相正常，但佢個煮返有d泰式。似泰式辣醬去炒。少辣，食到後期有d甜。豬扒熱辣辣上黎，感覺唔係就咁夾比你，起碼有炒返熱。價錢54蚊，價錢同味道黎講，算係咁。

其實一路都幫襯開覺得都ok. 今晚叫左碟雞飯凍奶茶，佢全部斬晒啲頭頭尾尾全部骨比我。真心有啲嬲。大佬點食。同個後生仔講返碟飯全部骨點食，佢好冷靜咁同我講叫我唔好叫雞飯食囉，食其他。 你啱，我唔應該叫碟雞飯食，叫得預左廚房師傅斬碟骨比你你都要食，你啱。真心啱。真心食過咁多間雞飯最差都算係今晚。係我唔着，好叫唔叫叫碟雞飯，叫得預左買六合彩咁有贏有輸，算我唔好彩，叫我睇開啲真係嬲到特登開返個陳年acc 上黎打呢篇野，係犀利既。我無屈佢，有圖有真相，大家黎食雞飯你預左隨時食骨唔好呻。

蕃茄芝士焗雞扒飯，都幾好味，炒飯底。夠香。雞扒都算大塊，味道足。雖然係焗飯但等候時間都唔算耐lunch 揀佢黎食都不過不失亦算抵食。茶餐廳黎講佢都值得一試。平日食就更抵啦

食在元朗系列，中午放飯跟同事車係元朗周圍遊搵食，比較難搵位拍車，最後係鳳琴街附近車場搵到位，行唔太遠就見到呢間師傅仔，茶餐廳格局，睇落環境都幾光鮮，門口睇餐牌價錢唔太貴50蚊左右一份午餐，就入去試試啦。餐廳環境都唔算細，都有十幾20張枱，卡位都幾多坐得算舒服。今日幾個人去食，每人都叫左唔同既餐，是日午餐餐牌已定左每日係食咩餐，今日都可以睇埋之後日子有咩食而決定邊日黎會有d鍾意食既餐。焗鮮茄雞排飯小弟揀呢個，焗飯唔洗等太耐10分鐘左右到左，都好夠熱，有好幾件蕃茄，茄汁量都足夠唔會太多或太少，略咸左dd，面頭有d芝士，炒飯底夠乾身粒粒分明，撈埋汁岩岩好，雞排有煎過幾香口，係略慊細塊左少少。熱奶茶跟餐包熱飲，奶茶算正常無特別出色。星洲炒米個量好大碟，同事見到有d驚嚇，皆因佢比較細食怕食唔晒，我夾左2啖黎試試，炒米炒得都算乾身，輕微咖哩味，叉燒火腿青椒絲呢d配料都好足，成碟野算幾抵食。豉汁豆卜蒸排骨同事評價：排骨夠腍，有軟骨位，豉汁夠味，豆卜吸汁，送飯唔錯。咖哩牛肉飯睇色似馬來咖哩，有d牛肉同薯仔，同事話咖哩唔夠辣，味道爭少少，比較一般d。欖菜肉碎炒飯又係大大碟，睇黎呢度d炒粉麵飯都好足料，炒

2022年3月12日，岩岩中午叫咗個咖喱海鮮炒飯外賣自取，分量少咗都唔緊要，色水唔夠都唔緊要，但味道………無味，唔講真係唔知係咖喱海鮮，失望，水準大不如前，唔會再幫襯！

頭先叫左個外賣咖哩牛腩飯 以前啲咖哩汁又濃又傑又熱又大盒勁好味但啱啱果個 啲咖哩汁勁稀 好似用水翻煮 一啲一啲都唔熱 淡某某 真心唔知食緊乜 勁難食對上兩次叫肉絲炒米粉 同 豉汁排⻣炒河粉 都已經走左樣 一黎已經無以前炒得咁好食 份量少左好多 都未去到難食嘅點知今次勁差 食完個肚仲咕咕聲😝😝 最近呢3次都差左勁多 以前食到飽飽 甚至食唔晒 會留起分兩餐 炒乜都好好味 又熱辣辣唔知係咪換左廚師呢⋯⋯總知好失望 勁失望 我諗都要揾過間第二間飯堂lu….

明明叫咖喱牛筋飯，跟住侍應姐姐同我講會有啲牛腩喺度唔會剩係得牛筋。點知個飯一嚟到全部都係牛腩一嚿牛筋都冇！仲要個飯完全冇味一啲咖喱味都冇。熱又唔夠熱！蕃茄牛肉湯飯就真係好普通，基本上冇可能有啲咩期望。個湯好甜應該落咗好多糖。其他餐廳唔係包埋嘢飲都起碼凍飲加兩蚊，可能會送埋例湯。但係呢間野熱飲加$6凍飲加$8，冇例湯。我唔係期望佢會送碗湯比我飲，不過我真係覺得價錢唔合理。我理解唔到點解仲會有人食呢間餐廳😮‍💨唔通以前真係咁好食？

今朝又入元朗真的很興奮，唔記得幾時開始，去到元朗既早晨第一餐都會嚟師傅仔食，佢哋既早餐係元朗嚟講算cp值最高的了。疫情未過，物價已飛，但師傅仔早餐一直都系呢個價位。幫襯多年，點解突然寫食評？皆因今朝發生件小事，我覺得要表揚一下。先講講食物質素，我例牌食B餐沙牛轉通粉，沙牛味唔濃但OK，通粉索嗮湯汁又唔會好淋之之，但最大賣點係塊跟餐既奶醬多，外脆內軟，一般茶餐廳餐包不能比擬，最後仲有一塊煎到脆扑扑既豬扒，cp值已勝附近同行。小事來了，今朝落單講好豬扒分開上，可以慢慢切，但嚟到既係放埋個碗入面，原本都無咩所謂，豬扒係碎件兩塊，都OK既，但問題係豬扒有個位有啲詭異，於是我同店員姐姐講要換，姐姐二話不說咁同我幫廚房講咗，廚房亦無咩不滿表情就整個塊比我。全程都有禮貌，無任何唔舒服感覺。其實真系小事，但係好多香港茶餐廳都會突然變了大事，唔肯換，鬧你，比說話你聽既茶餐廳比比皆是，所以我真心覺得師傅仔呢次值得拎出嚟表揚一下，希望服務繼續維持水平

唔能夠唔讚一讚師傅仔，個肉餅肥瘦均勻，煙韌彈牙，鹹蛋黃甘香可口，再加埋豉油熟油同埋蔥花，入口爆香有嚼勁，唔會過硬或過軟，樣樣都恰到好處，睇得出係用個心嚟整嘅，連碗白飯都甘香軟熟過人，一個$45嘅平民午餐都可以有咁高水準，香港人真係有口福，肉餅好多餐廳都有整，但係師傅仔嘅肉餅，真係食完會心思思想再食的

今晚叫咗個外賣西檸雞同埋魷魚蒸肉餅，本身呢外賣都諗住西檸雞呢就一定唔會林晒㗎啦，結果竟然有驚喜，佢竟然係硬到咬唔到+層皮仲厚過舊雞肉，味道就唔想評論添啦我平時都算食得幾酸嘅，但係真係依個好似食完隻眼都收縮埋。至於個魷魚蒸肉餅真係好腥（腥臭味！）但係我知道有啲朋友仔可能好鍾意呢啲味道！推介比啲鍾意魚檔腥味嗰陣味嘅人。至於個凍檸茶呢我明明冇走甜嘅 好對得住佢叫凍檸茶呢個名喎，真係冇糖。多謝呢間舖頭為客人嘅健康着想。

一間非常港式既茶餐廳， 成日都好多人黎呢度食野佢既早午晚餐我都試過哂最欣賞既都係呢度既早餐今日同朋友都係叫左早晨公仔麵餐配厚多士厚多士非常鬆軟， 剛剛好唔會太燶， 脆脆地好好味仲叫左柸香滑熱可力朋友叫左沙嗲牛肉出前一丁， 好有肉味， 醬汁都夠濃，都好正宗眉味道， 加上麵又唔會煮到太腍，依然都有口感我就叫左雪菜肉絲米粉， 岩哂我地呢啲想食清淡啲既人， 唔油， 但湯底都有味至於個炒蛋都好滑架仲有呢度既價錢都好平民， 一個餐唔過$40 算係抵食啊

國慶日，很多食肆都提早關門。我和友人在晚上九時在元朗覓食，走了好一段路都找不到有食肆營業，最後走到鳳攸南路，終於讓我們找到正在營業的師傅仔。師傅仔有室外和室內，室外的露天茶座每要檯都撐著一把傘，天氣熱都有把傘頂一頂，吸煙人士坐係出面，就冇熱了。我同友人流哂大汗，就入去室內涼冷氣，看電視了。茶餐廳裡面的位置很寬敞，全部都是卡位，坐得很舒適，服務員都會穿著員工制服，上菜的侍應更會帶著手套傳菜，十分衛生牆上亦掛著一塊黑板，列上是日推介的菜色，字體也十分工整我和朋友叫了兩個小菜配白飯和飲料，如果要另外加碗湯，也只是$5滑蛋叉燒份量好多，一上菜的時候就嗅到有微燶味，外觀也有微焦的樣子，心想以為會變了老蛋叉燒，點知食到入口，都仲係滑蛋咕嚕肉我叫了咕嚕肉，不過上來的肉是豬扒，豬扒好淋，一咬就開了，洋蔥同青椒味都不重，岩我這種不愛青椒的人，我食到底才發現有兩三塊菠蘿

［鹹魚雞絲炒飯］$60天口熱，又係懶人系列嘅時候，姐係又要叫外賣喇😝今次揀左師傳仔，因為佢送餐時間係20分鐘，屬於全app最快，仲要唔洗運費，無理由唔叫啦下話🤣鹹魚數量適中，亦都唔算太乾，食落個味好出！雞絲都ok，係略嫌太大條，要咬好多口先吞到，識我嘅人都知我連咀嚼亦怕花氣力，所以呢點打左小小折扣