醉雞火鍋店

营业中

休息中

今晚同朋友打边炉。太和大埔呢头，唔打边炉都唔觉有咁多专打边炉既餐厅。今晚就食间醉鸡火锅。朋友黎到先，我到果阵个锅已经黎左，锅底系好香甜既醉鸡汤。点左出名既手切牛。一上枱就知同平时既急冻牛系两样野。牛肉颜色鲜红，而且睇落闪令令咁，好新鲜既感觉。食落都系鲜嫩，而且牛味浓郁，完全冇雪味，果然贵得有理由。醉鸡煲汤底都几浓，味道偏甜，酒味唔算好劲，但都有酒香。鸡肉都嫩滑，份量都还好，我地六个人都够分。六个人火锅料当然叫左唔少，墨鱼滑、响铃、饺子、丸类等等。但除左火锅料，佢地仲有唔少川味小食。我地叫左皮蛋同青瓜，味道都唔错。食物选择多，成餐感觉都丰富左。