醉鮮靚湯特色粉麵

营业中

休息中

放工同朋友去葵芳食饭。 想食米线又唔想食谭仔云贵轩𠮶啲。就试下呢间米线店。 我就叫咗个醉鸡醉鲜面, 本人就好钟意食米线, 但见到佢嘅醉鲜面其他地方冇, 系佢自制嘅, 问佢醉鲜面即系点呀, 服务员答: 好似米粉咁嘅样, 比米粉略粗少少, 但系就好似米线咁嘅口感。 所以我就试下啦。 首先讲过醉鸡先, 醉鸡份量有啲小, 得四五嚿。咁唔系几够食。鸡都几新鲜, 酒嘅香味都好出同只鸡好配合。 可惜个醉鲜面同我想像中就有一啲出入, 佢基本上净系畀米粉粗咗少少, 其余都同米粉冇分别。 所以食落就有少少失望。 总括而言其实呢间都算几好食, 就呢一个平民嘅价钱嚟讲 。都算系畀我哋住葵涌嘅居民多一个选择啦。