金華燒臘大王 (已結業)

胃好，但个口唔好：味蕾仍然因为今日个Casa 包D 味精麻痺中。（详见上文）o系条脷咁差既情况之下o系金华叫o左客招牌五宝饭同是日例汤。例汤系西洋菜鸭肾猪骨汤，虽然饮落淡淡o地（我既问题），但系系清甜既...最紧要既系佢无落味精兼夹大大碗。卤味拼烧味好正，份量都多；连男仔唔使叫碟饭，净系叫碗饭都已经饱。五宝饭有叉烧、烧鸭、白切鸡、卤味（鸭肾、猪润、鸡心）同咸蛋，附葱油。烧鸭肥，白切鸡肥，连叉烧都肥...无计，肥先𩠌饭。叉烧掂在D 麦芽糖唔系好似唔使本咁落：薄薄既麦芽糖先可以烧到旧叉烧食到最后都仲脆卜卜。葱油有葱香之余仲有D 爽，再加埋咸蛋去壳，有heart。烧味阿姐都有礼貌同serve 得好。o系个食龙肉都无味既情况之下仲写到食经，金华除o左肥腻D 之外，无乜特别原因叫我会唔再帮衬。