醒辰冰室 (東匯坊) (已結業)

整个星期都落大雨，今日出街行吓，希望可能见到久违了嘅太阳。约咗去之前已经想试吓下午茶嘅醒辰冰室。发觉佢冇改错名，真系令我好醒神，佢嘅餐牌三十几蚊就有交易。我哋几个人叫咗几样嘢食，都发觉食物好出色。咖喱牛腩值得一赞，好味牛腩又够“林”，好耐冇食过咁好嘅咖喱牛腩，下次去一定再试。𠮶个全日早餐就样样有，比较普通，不过收70元，在港岛区算好抵食。个带子磨菇意粉就有惊喜，好味之外，大大只带子嘅下午茶，其他地方都好难揾到。估唔到今次下午茶食物有意外惊喜，下次一定再去试吓其他嘢。