德興茶餐廳 (已結業)

喺沙田食粥呀都唔知做乜鬼咁鬼贵，一碗艇仔粥都可以去到成$30，明明对面海都唔使咁鬼贵。唔知几时开始，呢间德兴茶餐厅，就出咗个早餐set叫醒神早餐，咁呢你可以拣牛肉粥或者咸瘦肉粥，配一个炒面啦或者斋肠或者油炸鬼，再加多杯豆浆，都系$29姐，不过呢个Offer呢就去到朝头早11点架啫。我通常呢都系食牛肉粥嘅，加个炒面，因为呢我自己就麻麻佢𠮶啲斋肠同油炸鬼啦。分量呢其实个炒面啦都塞到好满，个粥都OK ga.𠮶啲粥呢牛肉嘅份量都好多架，咁粥身都绵嘅，又够热，食落肠胃就好舒服，个味道就个牛肉味好香，不过味精重左d，扣左少少分。个炒面呢，分量多就多，但系油左少少，不过就好在唔会话太咸。其实都OK嘅喺沙田呢个价，个炒面同埋个粥都叫几好食都唔系难食嘅。如果朝头早想食粥同炒面，绝对可以一试嘅。