COMEBUY (已結業)

每隔幾星期總會想飲下珍珠奶茶，收工經過天后，就試吓COMEBUY啦! 店舖裝修好闊落，用一罐罐茶葉同埋炒茶工序嘅黑白相片做裝飾，店員們都非常精神，而且有禮貌，令我感覺係一班有心做好嘅年輕人！海神奶茶COMEBUY嘅奶茶真係冇得輸！我試咗佢哋嘅招牌海神奶茶，特別在於用日式煎茶調製，而且加左淡淡蜂蜜清香，令杯奶茶清爽不膩，而且茶底厚，奶味香濃，令人好滿足。蘋果冰茶朋友叫左蘋果冰茶，杯茶有粒粒蘋果，好有咬口！佢簡咗微糖，所以茶味同蘋果味都好突出，仲有啲微酸嘅感覺，真係好特別！