合利潮洲粉麵

营业中

休息中

再去field site视察，来呢度食碗粉...一坐低，望见枱上嘅潮式樽装鱼露，再听见熟客及老板之对话，就知潮味极重...再望一望...咦...唔见有辣椒油，原来系碟仔另上。醮点试试...哗...惊为天人，又香又够辣，如果再醮多D食实行出晒汗都似。好耐冇食过咁刺激嘅辣油..再试一口鱼露，够咸香。如果用佢嚟浸五花腩肉，跟住切片食用嚟送啤酒，人生一大快事...噢..挂住讲酱料...粉面水准又如何?猪肉丸呈椭圆形，够肉味亦爽口，就算中间有沟粉都系极少；墨鱼须新鲜弹牙，仲食到淡淡鱼味；汤加入紫菜，多咗一D甜味....水准极高嘅潮式粉面，值得推介...