幕多

营业中

休息中

依间拉面店只卖一款酱油虾浓汤面，比较特别嘅地方系可以拣刀削面或者拉面，虾汤非常浓郁，上抬时仲会淋啲虾油，虾味相当浓郁，而拉面嘅配料主要有两只酱油虾，仲有葱同埋樱花虾，酱油虾已经预先剥壳，所以好容易食。除咗拉面，仲有几款酱油小食可以选择，固定嘅有溏心蛋、虾、蚝、鲍鱼，同埋会转嘅是日精选款式，因为拉面本身唔包蛋，所以加咗一只，溏心蛋属于正常水准，另外再加咗蚝，只蚝好大只又够饱满，酱油同只蚝都好夹，蚝嘅味道同质感系唔错，不过一只就要$38，定价有啲进取，以拉面店嚟讲唔算平。