GALBI TOWN

营业中

休息中

好钟意食韩国嘅酱油蟹，但系冇假期唔可以飞去韩国食，今日经过尖沙咀见到呢一间韩国菜新开张就走咗上去，呢度环境十分之大，地方宽敞，店员都系全部韩国人，服务非常之友善。一坐低店员就会送上不同的前菜，有泡菜，鸡蛋，木耳，豆角，莲藕，沙律等，全部都非常新鲜爽口。酱油蟹店员会帮我哋拆蟹，完全唔使自己动手，很方便，酱油蟹味道鲜甜味浓，酱油不会过咸，肉质鲜甜肥美，啖啖蟹膏，加上紫菜更加香口，每一啖饭都非常美味。海鲜煎饼呢一个海鲜煎饼材料丰富，味道香脆可口。韩牛新鲜肉眼韩国直送韩牛，肉质细致，入口非常多汁，牛肉味浓郁，店员会帮我哋烧好再切开一件件。梨汁味道香甜，非常解渴。