麥當勞

营业中

休息中

本虫蛰伏十年，开饭网嘅版面都已经几翻新，打开手机都研究咗一轮先识用。适逢疫情肆虐，又系时候趁低吸纳到处揾美食。言归正传，今次与时并进讲下麦当当嘅手机程式。佢哋近来推出新优惠，但下载后发现其实著数唔多，最吸引只系得个一蚊大汽水，相比之下对家上校叔叔个App就好用得多，不但送雪糕仲有得储分，而且噏个电话号码就得，唔使好似佢哋咁要埋柜台拍二维码咁烦。讲返间分店，佢哋近来转咗自动测量体温，但好多顾客唔识用结果俾职员嗌住唔俾行而大动肝火。近年麦记好多新安排想减省人手，结果都适得其反，令效率更慢。今次帮衬主要系试新推出嘅四式麦乐鸡酱，只要一次过嗌18件就可以试齐。味道嚟讲本虫比较喜欢韩式酱，其他嘅就唔算好有惊喜，至于薯条间分店嘅出品系水准以下。即使以将军澳区嚟讲，间都系比较渣嘅一间。