喜聚坊

营业中

休息中

因为疫情关系，闭关咗好耐好耐，今个星期开返食肆晚饭堂食，即刻冲咗去我饭堂度晚膳，哗！全场爆满， book咗几日先book到，非常多人，但食物质素仍然好好，今次订咗个古法羊腩煲，系黑草羊腩，价钱一样优惠，我加咗$40要咗个菜，羊腩全部系腩肉，无骨，肥瘦适中，最正系个汁（见到厨师嘅功力）用生菜索埋啲汁，正呀！可惜因为人太多，见到餐厅楼面好忙，见佢哋忙到氹氹转，香港人工作压力大，原来份份工都一样大，可能因为人多，所以食物上菜时慢咗啲，但楼面都好有礼貌，即使好忙，但仍然同我哋解释，话因为人多出菜较慢，好抱歉，我自问都系打工仔，喺逆市中仍然能够生存，未执笠，已经好难得㗎啦，希望你哋过咗困难时期，有钱请多啲人，可以回复疫情之前嘅服务水准啦！整体而言，性价比仍然高，最重要系厨师嘅手艺，的确同出面一般嘅私房菜有分别，喺大角咀一间难得好食嘅中菜！