士林棧 (已結業)

呢日专程去到大角咀去揾呢一间台湾野食, 行过去途中吉左串烧卖食, 带住兴奋既心情走过去。皇柚鸡扒菜饭 - 菜饭正常。上面既肉燥就好似多此一举左D(唔系太好食)。主角皇柚鸡扒, 即系柚子炸鸡扒, 皮炸唔脆, 肉有D韧, 食落去既味道就只是鸡扒上面柚子酱味, 简单讲系一块鸡扒点柚子酱既野。肉燥糖心蛋饭 - 真系估唔到肉燥系可以稀成咁, 第一次食咁差既肉燥, 咸味+稀到似....既肉碎。糖心蛋都系带咸。精装三宝 - 猪肠、牛脷、鸡翼尖, 呢碟野超级咸!!!!!!!!!!!!!十级既话真系有十级咁咸!!!!虽然知道卤水野咸就一定会, 但完全系咸到离晒谱!!食左几旧我地决定放弃。珍珠奶茶 - 淡, 相比起食物既重口味饮品竟然感觉冇味, 已经分唔清系我味觉有问题还是杯野有问题, 珍珠正常....香芋珍珠 - 好紫㖞都........都系珍珠正常吧....总括, 呢一餐浪费左我地预备好既胃, 伤左我地既味蕾。