四川重口味

营业中

休息中

最近发现筲箕湾开咗依间川菜餐厅嘅新分店，嗜辣嘅我就即刻相约朋友去聚一聚顺便去试吓。食辣一定会谂到酸菜鱼同水煮鱼，今次就拣咗招牌酸菜鱼。桂花鱼软嫩无刺，汤底酸菜味好出之余仲有薯粉系底。前菜嘅选择超多，其中古法牛心顶我超爱，薄薄一片但口感十分过瘾，超爽脆，真系大推！夫妻肺片都系必点，切得大大片，味道香辣入味呢！莴笋我都好钟意，所以点咗碟份量几多嘅腩肉炒莴笋。另外药膳醉鸡煲都好吸引，汤底浓浓药材味，鸡肉唔柴又足料！最后不少得点碗桃胶冰粉作甜品，口感清甜又有解辣作用啊！贴心位系菜式都可以选辣度，怕辣或嗜辣嘅朋友都可以照顾到。环境又阔落，好适合亲友聚会啊！