小魚兒 (金馬大廈)

营业中

休息中

经openrice book咗 鲜九叶花椒BB豆花-江团鱼($20)，门市会收翻原价加一。条鱼好大条，配料方面有少少青瓜，豆腐，芽菜，木耳，宽粉，芫荽。呢条鱼比起鲈鱼少骨好多，加上肉质都好鲜嫩，系有啲弹牙，我觉得好好味。同埋员工都好细心，帮我哋切开左条鱼同稍为起咗啲骨。个汤底系极之浓郁，甚至觉得其实太重味，不过食烤鱼就系要够重口味哈哈。安格斯肥牛($108)，呢个原价好似要二百几蚊。呢间餐厅都几体贴，whatsapp我提醒我既booking，然后同我讲安格斯肥牛做紧优惠，可以预留，见平咗咁多就留咗一份，真系几重牛味，用呢个烤鱼汤底渌既话辣辣地几好食。金菇就正常一碟，冇乜特别。呢个鱼皮就炸得香口，但系相当之咸。最后仲叫咗个出前一丁，连埋个麻辣汤底汁渌，最后饱到捧住个肚走。呢个$20订座优惠相当之抵，同埋呢间餐厅嘅职员都相当细心，又喺Booking之前专登WhatsApp提你仲同你讲定有咩优惠，去到餐厅又会主动帮你切鱼，教你点食，总括嚟讲值得推介。