鬼金棒

营业中

休息中

味玉辣麻味噌拉面🍜［汤底］👍🏻👍🏻👍🏻👍🏻汤底好浓，每啖都会饮到浓稠嘅味噌咸香。重口味人士应该会好钟意！客人可以自订汤底嘅辣度及麻度。今次选择作小辣小麻，可能因为咁，汤底略嫌过油。想饮多两啖汤都唔敢！［面质］👍🏻👍🏻👍🏻👍🏻有服务员手上接过拉面，第一啖会略为硬咗少少。但由于汤底好热，隔咗一阵面身就开始林番，越食越有口感。个人就好钟意有咬口，但又唔会太硬嘅拉面！［配料］👍🏻👍🏻👍🏻👍🏻👍🏻呢款拉面主要配有一只流心蛋加炆到好林好入味嘅猪肉。流心蛋无可挑剔，蛋汁配上热辣辣嘅拉面，不但带出蛋香，更中和味噌嘅咸味。猪肉就好似东波肉咁，炆到肥而不腻。另外不得不提就系放在拉面上嘅一大堆芽菜。见到拉面师傅用热锅处理过芽菜，所以芽菜唔会有草青味，而且增加左一份爽甜味！［环境］👍🏻👍🏻👍🏻餐厅环境不过不失，暗黑嘅环境让食客喺品尝拉面嘅时候更有气氛。座位阔落，唔会有局促感觉。