古琴雅苑 (QRE Plaza)

营业中

休息中

有人话想响湾仔叫鸭，就黎咗呢度试星期六嘅晚饭。一早book 咗。去到发觉劲多人。好彩早到半粒钟嘅我哋都安排到位。里面唔系坐卡位嘅都真系好逼吓。Serve 我哋个姐姐摆𩠌响我哋台都成日要企直俾其他职员过...睇过四人餐，觉得唔系特别抵食，尤其是鸭得半只，唔够喉。散叫。松子鱼：其实炸得几好，但个汁属于甜，有朋友嫌甜得滞直情放弃。黑醋骨：骨冇事。汁杰，都系偏甜。重口味。北京填鸭：只鸭有个特别点，就系佢切咗几粒肥皮俾你点砂糖食，正如佢介绍，真系入口即溶兼香嘅。至于只鸭都Ok. 半肥瘦咁。片得都够薄。不过唔钟意佢个皮，佢个皮好似加咗木薯粉咁，烟烟韧韧咁，连埋啲鸭同𩠌食好滞。醉鸡：正常。鸡滑。但酒唔够香。红油抄手：皮薄馅多，唔算辣。几好味。环境黎讲虽然佢装修唔错，但成个气氛都非常赶。唔系啲职员赶你，系啲职员本身好似做紧茶餐厅咁，跑黎跑去，啲碗碟声好劲。个餐厅叫古琴雅苑，但里面完全唔系𠮶回事。总结：嘢食唔差但啲汁好重口味，环境太赶，应该冇下次。