花丸軒

营业中

休息中

星期五晚差唔多九点先黎食。唔洗等。入到去发现气氛好欢乐。光猛干净。员工好笑容同nice。有啲惊喜。幸福二重奏配蛋：样好靓仔。汤又浓又香，但真系好多肥膏浮浮吓。面好弹牙，蛋好香，熟度完全刚刚好，荀都好味唔会劲重酒味，唔会有渣。叉烧非常香但好薄，但比其他拉面舖细块。最估唔到系我食条猪软骨里面啲软骨虽然滑同香，但啲肉系鞋的。都几鞋吓添。Fail！成碗食晒到夜晚十二点都觉得好滞，因为真系肥。家下冬天OK 嘅，但夏天真系唔会想食啲咁肥腻嘅拉面。总结：相信重口味人士会好钟意呢个面。个肉鞋对我黎讲其实唔系大问题，因为我食拉面主要食个汤、面同蛋。但个汤对我黎讲实在太多肥膏，相信下次都至少一年后。