咖喱至尊

营业中

休息中

今日返晏，可以去远啲到大埔中心揾食，之前一直都想食呢间咖喱至尊，终于有机会了。呢度除咗咖喱外，亦有普通炒粉面饭，平均都系四十零蚊，相当抵食，既然黎得呢度，就梗系要食咖喱啦。因为唔想食太饱，免得夜晚食唔落饭，所以叫咗下午茶餐咖喱牛腩米线。先试一啖汤，咖喱汁混咗清汤后，味道依然非常香浓，唔会沟到淡晒，唔好以为系下午茶餐就会偷工减料，牛腩份量都几多，煮得好淋好入味，配料有新鲜蕃茄及青瓜，都算特别，但唔啱我口味。总括黎讲，呢度嘅咖喱好好味，下次真系要试下配饭食。