影片
更多
2022-07-18
942 浏览
思乡咗咁耐，今晚终于有机会去女人街试吓呢间日本东京过江龙「背脂煮干拉面」(丸め背脂煮干)！佢仲要系第一间海外分店👏。佢哋系用猪背油脂熬制汤底。咁重口味，喺香港真系比较少见，但就系啱晒我呢啲重口味人士！==================🍜 特制背脂煮干拉面 (💰$88) 碗面一嚟梗系要试下个汤先啦。豚骨、猪背脂、沙丁鱼干同埋日本酱油经过3日熬制，真系除咗去日本，冇喺香港试过呢啲咁浓郁脂香嘅汤底，仲隐约有鱼鲜味。如果你觉得唔够重口味，想个汤再浓厚啲，仲可以拣「背脂增量」: 脂增 (2倍, +$5)、鬼脂 (3倍, +$10)、或者 脂地狱 (4倍, +$15)。今次喺香港初次尝试，我就拣咗标准汤底。面条舖头就用咗人手制粗身极太面，口感弹牙。啲面系用日本小麦制成，重有小麦嘅香味同甜味。虽然得两块豚肉，但系佢哋系不同部位，而且系不同煮法 ( + 炙烧酱油豚腩叉烧)，够晒心思。肉质软绵既系「盐味慢煮豚肩叉烧 」; 带爽劲味浓既系「炙烧酱油豚腩叉烧」。只溏心蛋值得一赞，溏心煮得刚刚好。🍜 特制背脂煮干沾面 (💰$98)沾面制法大致同拉面相同，不过汤底会更浓郁，但佢哋又加咗柚子平衡油腻感，口感有趣
佢仲要系第一间海外分店👏。佢哋系用猪背油脂熬制汤底。咁重口味，喺香港真系比较少见，但就系啱晒我呢啲重口味人士！
==================
特制背脂煮干拉面
$88
19 浏览
1 赞好
0 留言
[背脂、味玉、慢煮豚肩、炙烧豚腩、洋葱、木耳、紫菜、青葱]
碗面一嚟梗系要试下个汤先啦。豚骨、猪背脂、沙丁鱼干同埋日本酱油经过3日熬制，真系除咗去日本，冇喺香港试过呢啲咁浓郁脂香嘅汤底，仲隐约有鱼鲜味。如果你觉得唔够重口味，想个汤再浓厚啲，仲可以拣「背脂增量」: 脂增 (2倍, +$5)、鬼脂 (3倍, +$10)、或者 脂地狱 (4倍, +$15)。今次喺香港初次尝试，我就拣咗标准汤底。
面条舖头就用咗人手制粗身极太面，口感弹牙。啲面系用日本小麦制成，重有小麦嘅香味同甜味。虽然得两块豚肉，但系佢哋系不同部位，而且系不同煮法 ( + 炙烧酱油豚腩叉烧)，够晒心思。肉质软绵既系「盐味慢煮豚肩叉烧 」; 带爽劲味浓既系「炙烧酱油豚腩叉烧」。只溏心蛋值得一赞，溏心煮得刚刚好。
特制背脂煮干沾面
$98
26 浏览
0 赞好
0 留言
[背脂、味玉、叉烧]
沾面制法大致同拉面相同，不过汤底会更浓郁，但佢哋又加咗柚子平衡油腻感，口感有趣。当然沾面都有得拣「背脂增量」，适合唔同口味嘅朋友。
特制背脂煮干沾面
$98
17 浏览
0 赞好
0 留言
静冈哈密瓜梳打
$18
11 浏览
0 赞好
0 留言
食日本嘢又点可以少得日本制造嘅饮品，呢枝「静冈哈密瓜梳打」唔知你有冇喺日本饮过呢？佢用日本静冈县生产嘅哈密瓜制作，味道浓郁而且带果香，就算食完咁浓味嘅面都依然感受得到。加埋本身系碳酸饮品，一个字「爽」！
Suntory 三得利乌龙茶
$15
12 浏览
0 赞好
0 留言
Suntory (三得利) 乌龙茶就唔使多介绍啦，本身喺日本都好出名，本身佢茶味浓郁、回味清爽。食呢啲重口味拉面真系衬晒，感觉解油。
虽然餐厅面积唔系好大，但座位都算宽阔，唔会背脊贴背脊咁辛苦。店员有礼貌，加上地方又整洁，疫情期间令人食得放心。餐厅入边播住日本流行曲，入去食个面，真系有快闪日本嘅感觉！🍜 丸目背脂煮干 香港店 🍜
🍜 旺角通菜街74号地舖
🍜 Tel 2332 2929
张贴
