影片
更多
2017-07-18
973 浏览
香港人对国内食品嘅接受程度愈黎愈高，好似重庆烤鱼自从几年前传入之后，广受欢迎，同类型店舖仲越开越多。可惜女朋友唔系太喜好鱼，所以平时我都好少有机会食到，今晚约埋朋友喺荃湾食饭。几个嗜辣之人，一拍即合去烤个鱼先。呢间八一蕃好评不少，店铺有两层，夹埋都有20张枱左右，主打烤鱼，有唔同口味有麻辣、刴椒、香辣、泡椒、酸菜、豆鼓同鲜茄，当然唔食鱼仲有鸡煲猪手煲可选择。烤鱼份量分全条，大半边同埋半边，我地三个人点左大边，至于辣度，因为见前面评语嘅人都话几辣下，所以点左小辣试吓佢先。食完我个人认为可以试下中辣。鱼本身已经预先烤熟，平放喺汤底上面煮返热就可以食得，鱼肉鲜味，细骨唔算多，皮烤过更香口，鱼背肉较多啱唔识食鱼嘅女朋友，自己梗系食鱼腩位同鲛位，虽然较多骨，但肉质更嫩滑，三个人食大半边分量刚刚好。除烤鱼另可再自选火锅配料。跟鱼可以优惠价$30 (原价$38) 点首份配菜 (大荳芽，金菇，秀珍菇，唐芹)。配料方面我地点左肥牛、鸡件、云吞、响铃卷同埋蔬菜，同埋最重要嘅一丁。肥牛、鸡件同云呑就普普通通，新鲜但系唔系话特别出色。反而响铃卷同油麦菜都索到啲汤汁又香又辣，好食但最最最正嘅都系一丁，将所有汤汁
呢间八一蕃好评不少，店铺有两层，夹埋都有20张枱左右，主打烤鱼，有唔同口味有麻辣、刴椒、香辣、泡椒、酸菜、豆鼓同鲜茄，当然唔食鱼仲有鸡煲猪手煲可选择。烤鱼份量分全条，大半边同埋半边，我地三个人点左大边，至于辣度，因为见前面评语嘅人都话几辣下，所以点左小辣试吓佢先。食完我个人认为可以试下中辣。
鱼本身已经预先烤熟，平放喺汤底上面煮返热就可以食得，鱼肉鲜味，细骨唔算多，皮烤过更香口，鱼背肉较多啱唔识食鱼嘅女朋友，自己梗系食鱼腩位同鲛位，虽然较多骨，但肉质更嫩滑，三个人食大半边分量刚刚好。
除烤鱼另可再自选火锅配料。跟鱼可以优惠价$30 (原价$38) 点首份配菜 (大荳芽，金菇，秀珍菇，唐芹)。
配料方面我地点左肥牛、鸡件、云吞、响铃卷同埋蔬菜，同埋最重要嘅一丁。肥牛、鸡件同云呑就普普通通，新鲜但系唔系话特别出色。
反而响铃卷同油麦菜都索到啲汤汁又香又辣，好食
但最最最正嘅都系一丁，将所有汤汁吸入同锁住喺啲面入面，一啖啖将啲精华食落去，香辣得来有少少麻，好过瘾
成餐食咗五百零蚊，除开每人百零蚊，整体嚟讲都算合理，加上味道唔错，不过食完会有后遗症就系成身都系烤鱼味。
食嘅时候的确好过瘾，所以有朋友想食烤鱼都会再黎的！
张贴
