Hard Rock Cafe (已結業)

想去兰桂芳减压之余食下嘢，之前食过呢间hard rock cafe可翻啅，冇嚟一阵发现成个menu唔同哂，当中甜品果part超吸引。呢度啲cheese cake可以话系重口味人士至爱，其甜度同芝士浓度有如cheesecake factory咁重手，钟意美式口味嘅一定啱食，而我地叫呢个芒果青柠芝士蛋糕已经系相对清新，酸酸地令个蛋糕冇甜得咁彻底，夹芒果肉食更为调和而雪糕新地份量巨型好似圣杯咁，几个一齐share食最开心，至于甜度冇想像咁劲，而且底部蛋糕渗入微微嘅冧酒香配埋雪糕食好满足，如果可以再球雪糕响底部令下面啲料都冻埋就完美。至于熟食墨西哥薄饼可以话系不得了，入面放嘅芝士份量劲多，咬落每啖都可以拉到芝咁滞，呢个好食推荐而青酱牛扒已经预先切好，口味颇重连饭一齐食就刚刚好，而块扒牛味都好够，唯一系肉质烤得有啲实，可能食惯三成五成熟。最后我杯糖衣陷阱超得意，除咗杯边之外仲会成包爆炸糖直接倒落杯mocktail度，好过瘾😛