享廚館

营业中

休息中

本身食外卖，快快手手一餐，都冇谂住写食评，冇影太多相，但食完都忍唔住要分享下。首先外卖黎到杯奶茶已经水浸咁浸满奶茶，留意个盖系干净，冇漏，拎起个杯又滴紧出黎。打去问餐厅，佢地反而话因为放左好耐冇人拎，唔系佢地问题。咁其实又点解好地地放耐左会漏呢？系"食在元朗" fb group 都不时有人赞大份抵食，见openrice comment 都唔差，就试试。$65 墨西哥式鸡肉芝士软烤饼配饮品睇价钱都冇谂住咁大份，入面肉唔少，仲有4块。但颜色同平时openrice 见到既好唔同，食落呢个好油，加上咸到食唔到，两个人各食左一块，就已经再冇食。饼本身满油，再多油到反光。另一个餐系羊肉烤串卷配薯条$118 餐厅好好一早已切半分好，味道都系偏咸，馅料比较松散，最好食系薯条。总括而言，食物系热辣辣大份。味道过咸偏油。价钱可接受，但系明明外卖平台优惠下，竟然都遇到呢间餐厅系要俾连费，仲要$11。都唔会有下次。