巴蜀烤全魚 (已搬遷) 新店位置

以前就有听过呢间餐厅名不过未试过，知道佢最近重开返就决定同个好钟意食鱼煲既朋友去试下。佢地专做鲩鱼，店员推介我地食小边全鱼小辣，即系两份冇骨既小边砌埋。另外加左鲜枝竹同莲藕，仲有份鸡全翼小食。上枱望落卖相好好，份量亦比预期多。不过鱼肉入口唔滑，仲Hi烚烚，小辣亦唔麻唔辣，滚多10分钟左右咸度更以几何级数增长，平均一啖仔鱼要食4份1个饭先解到咸。要形容味道除左咸就系咸，冇其他味。食到一半，我同朋友系食而无味弃之可惜既情况下决定埋单走人，不作无谓坚持。佢地用既炉设计差系导致唔好食既好大原因，简单解构就系炉下面随意摆放2个可移动烛台，局部地区受热，成盘鱼火候温度唔平均又点会好食？仲要好容易痴底煮浓。总括系失望既。