創發潮州飯店

营业中

休息中

去九龙城买茶叶又俾我泊到咪表位于是去创发食个妟。入到去见到枱面有两碟咸酸菜及鱼仔就知是未叫菜已先俾人打三十大板，盛惠60大元，味道太咸，送粥还可以。先有四杯仔潮洲茶醒吓晨先，都好浓味。问完条大乌头要成二百八十就即刻唔感乱叫嘢！是关食咗早餐又不太饿，所以叫了二人份的一窝蚝仔粥。蚝仔大只新鲜，但加埋各样料就略咸。九菜猪红好香，但食多几件都觉得太咸。食完虽然又送上功夫茶，但不贪心冇要怕今晚瞓唔著。不过后悔冇饮，因为咸到好颈渴要走去七仔买支水队晒佢！目测其他客都过六十岁，似游客，食得豪气。可能为咗老人家啲口味先咁重手，其实为健康也不应咁重钠！再者，哩啲旧式老舖的洗手间必定要经后面好湿的地方，至惨是踎厕，真的不是我杯茶。埋单两嚿有啲不值！