星林居雲南米線餐廳 (已結業)

两年前喺尖沙咀返过工，间唔中都会嚟乐道呢度揾野食，呢度成条街都系餐厅，普遍都系做游客嘅生意，所以定价都会比较高，所以我偏好嚟星林居食饭。呢度拣𩠌好似食车仔面咁画点心纸，亦都可以好似食拉面咁剔辣道同酸道，我好钟意食呢度啲酸辣所以叫左个腩肉生菜酸辣米线。仲剔埋多莞茜添，虽然普遍啲人都唔钟意食呢啲，但我觉得食米线最紧要加多啲莞茜先够香。但唔知点解生菜会分开上架呢，我又将啲生菜放落汤浸下先有味，如果佢放埋落碗米线度就好喇。