新德里餐廳

营业中

休息中

首次去到尖沙咀重庆大厦，果然好似深入敌阵咁，去到门口就不停有唔同餐厅嘅人招揽你去佢哋餐厅，不过只要你一早选择好，同佢讲声，就自然会有人带你搭电梯去餐厅。二人晚餐，点选了芝士薄饼，咖哩羊，鸡肉沙律同椰汁炒饭，同两杯饮品。头盘鸡肉沙律，鸡肉有少少辣，配落青瓜生菜度异常地夹，顺带一提鸡肉系热，并唔系好似平时嘅沙律咁系冻嘅。芝士薄饼配埋咖哩羊肉，十分惹味，羊肉唔苏，肉质唔韧，薄饼有芝士馅，令饼心软绵绵，口感一流。椰汁炒饭比较差，甜味配落饭度好奇怪，唔建议去叫。饮品叫咗Mango Lassi同Strawberry Lassi，值得推介，奶昔类饮品，酸甜度调校得适中。埋单$264，唔算太贵，会有下次，但会叫等二款饭。