Ha Noi 越南菜

营业中

休息中

尖沙咀重庆大厦是香港的一个地标，对外国人嚟讲。但系本身local啲人都比较少去挂，起码我系。但今日例外，约咗朋友去地库行一转，就发现咗好多新事物，当然系食肆居多，东拣西拣，拣中咗Ho Noi呢间越南餐厅。散叫或套餐都任君选择，叫咗个198嘅2人套餐，内有主食二款，小食一款及时菜一碟还有2杯饮品，除咗滴漏咖啡要加钱，还有椰青要另叫，其他饮品都嗌得，你话抵唔抵？“生牛肉汤粉“系主食之一，但见生牛肉上台时依然系粉红色嘅超吸引，但系都系浸阵好啲咁就啱啱好啦，非常嫩滑；“香茅鸡翼捞檬” ，鸡翼真系好香口下次叫多几只，捞粉加埋啲汁真系一流；“安南鲜虾米卷”，隔住米纸都见到大大只的虾，流口水，仲有多多配料；“田园灼时蔬”今日系生菜。“酥香软壳蟹”成份嘢有2只，1人1只唔使争，大只又有蟹膏真开心，香脆多肉人人爱；“椰汁绿豆冰”和“鲜芒果西米露”亦冇拣错。